Padmavathi Stotram – పద్మావతీ స్తోత్రం

విష్ణుపత్ని జగన్మాతః విష్ణువక్షఃస్థలస్థితే |
పద్మాసనే పద్మహస్తే పద్మావతి నమోఽస్తు తే || ౧ ||

వేంకటేశప్రియే పూజ్యే క్షీరాబ్ధితనయే శుభే |
పద్మే రమే లోకమాతః పద్మావతి నమోఽస్తు తే || ౨ ||

కళ్యాణీ కమలే కాంతే కళ్యాణపురనాయికే |
కారుణ్యకల్పలతికే పద్మావతి నమోఽస్తు తే || ౩ ||

సహస్రదళపద్మస్థే కోటిచంద్రనిభాననే |
పద్మపత్రవిశాలాక్షి పద్మావతి నమోఽస్తు తే || ౪ ||

సర్వజ్ఞే సర్వవరదే సర్వమంగళదాయిని |
సర్వసమ్మానితే దేవి పద్మావతి నమోఽస్తు తే || ౫ ||

సర్వహృద్దహరావాసే సర్వపాపభయాపహే |
అష్టైశ్వర్యప్రదే లక్ష్మి పద్మావతి నమోఽస్తు తే || ౬ ||

దేహి మే మోక్షసామ్రాజ్యం దేహి త్వత్పాదదర్శనమ్ |
అష్టైశ్వర్యం చ మే దేహి పద్మావతి నమోఽస్తు తే || ౭ ||

నక్రశ్రవణనక్షత్రే కృతోద్వాహమహోత్సవే |
కృపయా పాహి నః పద్మే త్వద్భక్తిభరితాన్ రమే || ౮ ||

ఇందిరే హేమవర్ణాభే త్వాం వందే పరమాత్మికామ్ |
భవసాగరమగ్నం మాం రక్ష రక్ష మహేశ్వరీ || ౯ ||

కళ్యాణపురవాసిన్యై నారాయణ్యై శ్రియై నమః |
శృతిస్తుతిప్రగీతాయై దేవదేవ్యై చ మంగళమ్ || ౧౦ ||

ఇతి శ్రీ పద్మావతీ స్తోత్రమ్ |

మరిన్ని శ్రీ వేంకటేశ్వర స్తోత్రాలు పరిశీలించండి.