Runa Hartru Ganesha Stotram in Telugu Lyrics – శ్రీ ఋణహర్తృ గణేశ స్తోత్రం

“ఓం శ్రీ గణేష్ నమః…
మనసు శాంతి, కష్టనివారణ, ఆర్థిక సుసంపత్తి కోసం
మనం ఇప్పుడు శ్రీ ఋణహర్తృ గణేశ స్తోత్రం పఠిద్దాం.”

|| అథ స్తోత్రమ్ ||

సృష్ట్యాదౌ బ్రహ్మణా సమ్యక్పూజితః ఫలసిద్ధయే |

సదైవ పార్వతీపుత్రః ఋణనాశం కరోతు మే || ౧ ||

త్రిపురస్య వధాత్పూర్వం శంభునా సమ్యగర్చితః |

సదైవ పార్వతీపుత్రః ఋణనాశం కరోతు మే || ౨ ||

హిరణ్యకశిప్వాదీనాం వధార్థే విష్ణునార్చితః |

సదైవ పార్వతీపుత్రః ఋణనాశం కరోతు మే || ౩ ||

మహిషస్య వధే దేవ్యా గణనాథః ప్రపూజితః |

సదైవ పార్వతీపుత్రః ఋణనాశం కరోతు మే || ౪ ||

శశినా కాంతివృద్ధ్యర్థం పూజితో గణనాయకః |

సదైవ పార్వతీపుత్రః ఋణనాశం కరోతు మే || ౫ ||

తారకస్య వధాత్పూర్వం కుమారేణ ప్రపూజితః |

సదైవ పార్వతీపుత్రః ఋణనాశం కరోతు మే || ౬ ||

భాస్కరేణ గణేశో హి పూజితశ్ఛవిసిద్ధయే |

సదైవ పార్వతీపుత్రః ఋణనాశం కరోతు మే || ౭ ||

పాలనాయ స్వతపసాం విశ్వామిత్రేణ పూజితః |

సదైవ పార్వతీపుత్రః ఋణనాశం కరోతు మే || ౮ ||

ఇదం ఋణహరస్తోత్రం తీవ్రదారిద్ర్యనాశనమ్ |

ఏకవారం పఠేన్నిత్యం వర్షమేకం సమాహితః || ౯ ||

దారిద్ర్యాద్దారుణాన్ముక్తః కుబేరసంపదం వ్రజేత్ |

ఫడంతోఽయం మహామంత్రః సార్థపంచదశాక్షరః || ౧౦ ||

ఓం గణేశ ఋణం ఛింది వరేణ్యం హుం నమః ఫట్ |

ఇమం మంత్రం పఠేదంతే తతశ్చ శుచిభావనః || ౧౧ ||

ఏకవింశతిసంఖ్యాభిః పురశ్చరణమీరితమ్ |

సహస్రావర్తనాత్సమ్యక్ షణ్మాసం ప్రియతాం వ్రజేత్ || ౧౨ ||

బృహస్పతిసమో జ్ఞానే ధనే ధనపతిర్భవేత్ |

అస్యైవాయుతసంఖ్యాభిః పురశ్చరణమీరితమ్ || ౧౩ ||

లక్షమావర్తనాత్సమ్యగ్వాంఛితం ఫలమాప్నుయాత్ |

భూతప్రేతపిశాచానాం నాశనం స్మృతిమాత్రతః || ౧౪ ||

|| అథ ప్రయోగః ||

అస్య శ్రీ ఋణహర్తృగణపతిస్తోత్ర మహామంత్రస్య | సదాశివ ఋషిః | అనుష్టుప్ ఛందః | శ్రీఋణహర్తృగణపతిర్దేవతా | గ్లౌం బీజం | గః శక్తిః | గం కీలకం | మమ సకల ఋణనాశనే జపే వినియోగః |

కరన్యాసః |

ఓం గణేశ అంగుష్ఠాభ్యాం నమః |

ఓం ఋణం ఛింది తర్జనీభ్యాం నమః |

ఓం వరేణ్యం మధ్యమాభ్యాం నమః |

ఓం హుం అనామికాభ్యాం నమః |

ఓం నమః కనిష్ఠికాభ్యాం నమః |

ఓం ఫట్ కరతలకరపృష్ఠాభ్యాం నమః |

షడంగన్యాసః |

ఓం గణేశ హృదయాయ నమః |

ఓం ఋణం ఛింది శిరసే స్వాహా |

ఓం వరేణ్యం శిఖాయై వషట్ |

ఓం హుం కవచాయ హుమ్ |

ఓం నమః నేత్రత్రయాయ వౌషట్ |

ఓం ఫట్ అస్త్రాయ ఫట్ |

ధ్యానం –

సిందూరవర్ణం ద్విభుజం గణేశం

లంబోదరం పద్మదళే నివిష్టమ్ |

బ్రహ్మాదిదేవైః పరిసేవ్యమానం

సిద్ధైర్యుతం తం ప్రణమామి దేవమ్ ||

లమిత్యాది పంచపూజా ||

|| మంత్రః ||

ఓం గణేశ ఋణం ఛింది వరేణ్యం హుం నమః ఫట్ |

ఇతి శ్రీకృష్ణయామలతంత్రే ఉమామహేశ్వరసంవాదే ఋణహర్తృ గణేశ స్తోత్రమ్ |

మరిన్ని శ్రీ గణేశ స్తోత్రాలు (శ్లోకాలు) పరిశీలించండి.