Ganesha Pancharatnam in telugu – శ్రీ గణేశ పంచరత్నం

ఓం గణనాయకాయ నమః…

ముదా కరాత్తమోదకం సదా విముక్తిసాధకం

కళాధరావతంసకం విలాసిలోకరక్షకమ్ |
అనాయకైకనాయకం వినాశితేభదైత్యకం
నతాశుభాశునాశకం నమామి తం వినాయకమ్ || ౧ ||

నతేతరాతిభీకరం నవోదితార్కభాస్వరం
నమత్సురారినిర్జరం నతాధికాపదుద్ధరమ్ |
సురేశ్వరం నిధీశ్వరం గజేశ్వరం గణేశ్వరం
మహేశ్వరం తమాశ్రయే పరాత్పరం నిరంతరమ్ || ౨ ||

సమస్తలోకశంకరం నిరస్తదైత్యకుంజరం
కృపాకరం క్షమాకరం ముదాకరం యశస్కరం |

దరేతరోదరం వరం వరేభవక్త్రమక్షరమ్ 
మనస్కరం నమస్కృతాం నమస్కరోమి భాస్వరమ్ || ౩ ||

అకించనార్తిమార్జనం చిరంతనోక్తిభాజనం
ప్రపంచనాశభీషణం ధనంజయాదిభూషణం |

పురారిపూర్వనందనం సురారిగర్వచర్వణమ్ 
కపోలదానవారణం భజే పురాణవారణమ్ || ౪ ||

నితాంతకాంతదంతకాంతిమంతకాంతకాత్మజం
అచింత్యరూపమంతహీనమంతరాయకృంతనమ్ |
హృదంతరే నిరంతరం వసంతమేవ యోగినాం
తమేకదంతమేవ తం విచింతయామి సంతతమ్ || ౫ ||

మహాగణేశపంచరత్నమాదరేణ యోఽన్వహం
ప్రజల్పతి ప్రభాతకే హృది స్మరన్గణేశ్వరమ్ |
అరోగతామదోషతాం సుసాహితీం సుపుత్రతాం
సమాహితాయురష్టభూతిమభ్యుపైతి సోఽచిరాత్ || ౬ ||

మరిన్ని శ్రీ గణేశ స్తోత్రాలు చూడండి.